روية

هلوو

اني رواء حاليا ادرس صيدلة م١ ،عدت السادس ٣ سنين وجبت نفس المعدل .

شاركت بهذا التحدي حتى اتخلص من التسخيت وادرس.

ليش اختاريت ه التحدي؟

من الابتدائية جنت اعاني انة ادرس واكمل شي ،جنت دائما اقرة بليلة الامتحان ،وكل الليالي الي مرت علي جانت قلق وخوف ووجع بالجسم ،ه الشي جان عبالي عادي والكل مثلي ،جنت اتمنى الموت من انه ادرس

جنت انجح،بس السادس ما جان ينفع وياه ه الشي ف بقيت اعيد ف رحت اهلي.

بعد السادس رحت دكتور نفسي وبقيت احلل ه الشي مرتبط بطفولتي، المشكلة ما جانت بالدراسة، بس جانت انه اني ما اريد اكمل اي تجربة تبين كل قدرتي وجنت خايفة انه افشل ،الفترة الي مرت أصعب فترة بحياتي مريت بأكتئاب، السرير ما جنت اكدر اكوم منه،احاول احضن امي ،الزم ايد احد احبه،جنت رايدة احس بالحياة،ماكو اي شي حرفيا حرك بداخلي شي ،عبالك مثل المي صرت .

جنت انام ١٣ ساعة هيج ،ما اكل الوجبات 

الغرفة جانت عبارة عن فوضى وهواي افكار سيئةواختنك اذا اقترب من العالم.

ف شفت ه التحدي وشاركت حتى ادرس لامتحان الفاينل واكدر ادرس واروح مكملة المادة لأول مرة بحياتي ،حتى افهم نفسي انه اني كافية واكدر ،يمكن عبالك انه سهل عادي تكملين امتحان وتروحين.

بس حرفيا هاي حياتي كل الامتحانات جانت عذاب الي او اي شي جديد

اليوم رجعت من الامتحان ومكملة المادة الشعور الي احسة غريب،ما تهمني النتيجة بس هسة احس انزرع مكان صغير بداخلي انة اني اكدر.

ما اكدر اكول ه التحدي نقذ حياتي وهسه اني سعيدة.

بس التحدي طلعني من الغرفة للعالم وخلاني اسوي شي طول حياتي ما مسوية.

هاي الكلمات جنت اكتبة طول فترة التحدي حتى اكمل.

بهاي الفترة ممتنة الي ،وممتنة لضحكة مرتضى إلى كلة حب وخير،اريد هيج ناس يطلعون بحياتي.،شكد ما تحسون نفسكم بظلام وعبالك ماكو هوى ،ثقوا انه بداخلكم ه تلكون النور.

تصبحون ع خير.