سلام ،شلونكم.
الشي الي كاعدة اسوي خلال ه الفترة انه ادرس يوميا لمدة ٣ ساعات درسة كلية،اقره كتاب عربي لمدة ٣٠ دقيقة ،اقره كتاب انجليزي لمدة ٣٠ دقيقة ،اكلب بالانستا لمدة ساعة ع صفحات مفيدة.
هدفي من البداية انه اثبت فكرة بعقلي انه اني استحق الاشياء المفيدة.
هاي الخطة الي كاعدة امشي عليه ،التسخيت شي جبير بعقلي فأبدي اسحب ساعة من التسخيت واسوي شي مفيد،علي العكس الدراسة شي صغير فأبدي ادرس ساعة وبعدين ازيد.
هذا الكتاب الي كاعدة اقراه اسمه العقل قبل المزاج .
اكثر من مرة تجي فكرة تكلي رواء عوفي الموضوع انتي ما تستحقين ومو كده،كومي اهربي لاي شي مثل قبل شلون تهربين للنوم ،المسلسلات ،اني كمت اعيش شعور الخوف هذا واستمر لحد الان.
شنو الشعور الي حسيتي ؟
كمت احس بتقلص بجسمي واحسة يريد يصغر نفسة كلش ويختل،بس بأعمق نقطة بيه نولد شعور ثقه صغير بيه.
شنو الي فاجأج خلال ه الفترة؟
انه اذا فشلت او نجحت اهلي يحبوني.
واخيرا ...هدفي هو نفسة بس ه ازيد الساعات .
هل واثقه انه ه تكملين؟
صراحة ما اعرف بس اني متمسكة بالثقة الصغيرة الي انولدت داخلي.
الاشياء الي ممتنه اله
يعني ممتنه لنفسي الضعيفه الي استمرت
وممتنه للموسيقى ،التنفس العميق لانه اكثر ٢ يهدوني،وشكرا 🤍.
كل التوفيق لكِ غاليتي
ردحذفاوي شكرا
حذفالج هم🖤