ملحوظة*

 صباح الخير ..

ما اعرف احس البارحة ما فهمتكم بالطريقة الصحيحة 

بس بالمختصر التحدي هو التخلص من التسخيت والتدمير الذاتي واسوي اشياء صعبة جدا  انة اسويه

ف قراءه الكتاب هو شي بدائي بس بمرور  الوقت نتقدم ع شي أصعب الي ك الدراسة .

تحدي ال٢٩ يوم

 سلام ...

اني رواء وعمري ٢١ ،كلش مهتمه بعلم النفس والتحليل

 وانه اقرا عنه بس اني عندي التدمير الذاتي بطريقة مو طبيعية .

اختاريت انه اقرا كتاب العقل قبل المزاج مقابل اله انه اتخلص من ادماني ع الانستا او بالأحرى الهروب من التعلم.

الفكرة مو القراءه بشكل خاص،الفكرة انه ازرع بداخلي خلال ه الفترة فكرة التعلم وانه استحق الاشياء المفيدة .

حاولت حرفيا بكل الطرق حتى اترك التدمير الذاتي بس جنت صغيرة وكانت الطرق غير واعية ،هسه عندي معرفة عن  انه ليش هيج جنت اسوي وليش بصعوبة اتعلم بس أيضا حاولت وفشلت لذلك شاركت بالتحدي.

اختاريت القراءه حتى يكون التحدي بي تقدم بس المهم عرفتوا اني بالضبط شنو اريد .

اول مرة اكتب للناس ه الكد معلومات وما اعرف شكد خبصت فوك .

ما عندي مصادر او شي معين بس اني هواي قارية عن انه شلون اتخلص من التسخيت 

ه اشارككم بكل الصعوبات الي ه تواجهني .

كتاب العقل قبل المزاج الي ه اقراه هو يحجي عن العلاج بالسلوك الإدراكي هو تقريبا ٤٠٠ صفحة ويحجي عن أمراض نفسية كالاكتئاب والقلق ...

لمن تخلص ٢٩ يوم اعتقد ه تثبت فكرة انه علم النفس مهم الي ولازم استمر بهالشي.

المستوى الي اريد اوصل اله ،انه تتشكل بداخلي عاده صغيرة تكون مفيدة حتى تكون بداية حتى اتخلص من التدمير الذاتي. 

ها صح خليت وية القراءه انه اتخلص من ادمان الانستا ،لأنه التدمير الذاتي إلى عندي مو الانستا بحد ذاته بس انه ابقى اهرب من الشي المفيد الي واسوي اي شي يخرب حياتي ،فكلما ه تجيني فكرة انه ادخل انستا ه اروح اقره من هذا الكتاب لان اريد افهم عقلي انه اني ما استحق التخريب.

وبس شكرا الي🙃